Godigo Nogi Ugwaba Sabo Tęąbi Po Wabo Buku Dabe 72:11-15

¹¹Tigidali kingo agaba kidu sugunaibao. Tama tigidali hani we bidigo te agai sę yaibao.

¹²Agai te magi nai meni yai bidi dabego agaba i obaso, te agai augwali tau sabo dao. Tama te we bidi dabe te doado bage sǫą pelama, tama te tau sabo menibaso da, teda aga digi te augwali tau saibao.

¹³Agai te bomo meni yai we bidi dabe te dwai bidibo, te agai augwali homu dene ebo dao. Tama te magi doado bage meni yai we bidi dabe agai augwali ma sabo dao.

¹⁴Te dwai sę ebo bidi dabego augwali elaluama, tama augwali dolainu ebaso da, agai augwali ma siyu ebo dao. Agai augwali godolo elama, wei ebaso te tiwai eyu ebo dao.

¹⁵Eno homugo te king te sesabi gana elama, bidimainu yao. Te Arebia dabego agaba te gol momainao. Tama te we bidi dabego Godiba gedu haluasa po weyu, te Godigo aga sesemane tau somainu yao, tama Godigo agaba te wiegi yai sę agaba emainao po wai.