Godigo Nogi Ugwaba Sabo Tęąbi Po Wabo Buku Dabe 60:4-8

⁴Nago te wi pao po te nageba lotu wabo we bidiba pusai, te boi bidi dabego augwali dolidali weyu, augwali wi pomainogo yali.

⁵Da te nago bomogo ma sao, magi baso meni, te nago da godolo mu ebo dao. Tama tibaso, nago dago gedu haluasa po wabo odolama, tama da te boi bidi dabego nogode ma sao.

⁶God te aga wiegi yai bulude bidiyu, tama aga te po wai dao, “Te eno hwįbo boi bidi dabe aiyaba elaluama, tama eno wiegi yai pemene mu yaibao. Megi da, eno te Sekem bulu tǫ pedaibao, tama te Sukot tǫ malu bulu pesagede me, tama eno te ena we bidi dabeba dobawaibao.

⁷Te Gileat tǫ pedaide bidibo we bidi me, te Manase hani dabe me, te eno bage dao. Te Efraim hani we bidi te eno kapago nigai tobolu madi tiwai elalubao, tama eno king te eno bage Judade munama, elalubao.

⁸Te eno te Moap dabe te eno sę yabo bidi pedalumainu elama, tama eno te Idom dabe te eno sę olo ebo bidi dabe nigilaibao,” wali. “Te eno te Filistia dabe te hwįnama, aiyaba elalubaso, tama eno homu pemene eyu, tama i waibao,” po wai.