4A derɑ tem mu yĩirɑ mɑ mu bɛsikirɑ. A mu kpɑɑsinɔ domi mu kɑnkirɑmɔ.
5A derɑ wunɛn tɔmbɑ nɔni sɔ̃ɔrɑ, mɑ bɑ tɑm nɔrɑ mu ben wiru ɡɔsiɑ.
6Be bɑ nun nɑsie, berɑ ɑ wunɛn ɡidi bɔrɑ wɛ̃, kpɑ yu sɔ̃ɔsirɑ ɡem sɔ̃.
7A sun wɔro kɑ wunɛn dɑm. A bɛsɛn kɑnɑru nɔɔwɔ, kpɑ su fɑɑbɑ wɑ bɛsɛ wunɛn kĩnɑsibu.
8Gusunɔ u ɡeruɑ win sɑ̃ɑ yee dɛɛrɑrɔ u nɛɛ, u koo nɑsɑrɑ wɑ. U koo Sikɛmu bɔnu ko kpɑ u tɔmbu Sukɔtun wɔwɑ yɑbuɑ.