5Awe, ena wi mu elama, tama eno tigi te didibili dwai mu ebao. Te wigo ena aiyaba mu elaluai.
6Tialima, eno te tama po wali, “Hobede ya, te eno homugo te ba dabego bogo tiwai sigi da homu yai. Tama ena bola pelama, te toma nabo pesage me deli gegelama, tama ena tede dugulalu dabo homu ebao,” wali.
7“Te ena digibulu mu bola pelama, tama ena te bidi meni yai pesageba mu bidigi paibao,” wali.
8“Te ena asesa bola peyu, tama geme duala sigi pelama, bidabo pesage me deli gegelama, bidainu yaibao, tama ena te bomai walide me tulubagede geme duala selama, bidaibao,” wali.
9Eno suali, te bidi dabego te taun tomode hwįbo suali. Tama tialima, Genuai Bidi, nago augwaligo po kone tuą palumainu elama, tama augwali mu silimainogo yao.
Godigo Nogi Ugwaba Sabo Tęąbi Po Wabo Buku Dabe 55
Godigo Nogi Ugwaba Sabo Tęąbi Po Wabo Buku Dabe 55:5-9