Godigo Nogi Ugwaba Sabo Tęąbi Po Wabo Buku Dabe 44:19-26

¹⁹Tiali goli, nago da te uni hasa dabego pesagede dolomainu ebao. Tama nago da te be hulia sai dwai madi mu te mesegelibo tiwai ebao.

²⁰Dago God, te dago nageba homu kone me isiąyu, tama dago te tibo godiba gedu haluasa po obaso da, teda nago koneaibao.

²¹Nago te bidi dago haligade geme elalubo homu te tigidali konea pai elalubo dao.

²²Dago te nage naga wali pobaso, tama te tigidali sogo augwaligo da ela mubo dao. Augwaligo homugo te da ela muabo sipsip tiwai homu naga ebo dao.

²³Genuai Bidio, nage hodaluao. Magi baso nage pila mubawe? Nage hodaluao. Nago te sesemane sogo da tudiba mudamuo.

²⁴Magi baso nage dade geme duala sobawe? Te bidi dabego da dwai mu ilama, tama da te genuai sęgę mu tolobao. Nago dago te sęgęde homu kone me gegeda paligio.

²⁵Da te tǫba tula munama, tama dago tigi te isai bidigo tigi pila mubo tiwai elalubao.

²⁶God, nage hogodama, te da tau sagasao. Te nago da godolo ebo kolesaga te me elalua paibao. Tama nago tede homu koneama, tama da ma sobaso da, teda da me isigobeo.