Godigo Nogi Ugwaba Sabo Tęąbi Po Wabo Buku Dabe 41:7-13

⁷Tigidali bidigo ena wei me isąyu, te augwaligo eno gasi po geme wabo dao. Augwaligo homugo te dwai nai mugo ena dolomainu homu ebo dao.

⁸Augwa te tama po wai, “Te dwai naigo aga salio,” wali. “Te aga ma hodalubaso, te usu egobeo. Te aga isaibao,” wai.

⁹Eno abagi me deli elaluai, aga te eno hai namu mu tama, tama aga te ena dali nai tuyu yai. Tiali goli, aga me te eno boi bidi pedelali.

¹⁰Genuai Bidi, nago te olo tau sabo wiegi yai kolesaga enaba eyu, tama e gasi silimainu yao, tama te eno te bidi dabe augwa yali kolesaga wei ponaibao.

¹¹Te boi bidi dabego ena dolisąbaso da, teda eno koneyu, te nago ena godolo eba homu yaibao.

¹²Nago suali, te ena dolo bilibaso, tama nago ena tonaluali, tama nago ena te naga pąde sesemane dolaluaibao.

¹³Dago te Genuai Bidi nogi ugwaba sao, aga te da Israel dabego God dao. Tama te nosali pedalubo hani augwa te tama naga tiaibao. Te mu dao.