1Te Devitgo asęani balia po me deli dao. Dage te boma pai ensel mobo bidi dabe, dagego te Genuai Bidigo nogi ugwaba sao. Te agai genuai nogide me bomode te wiegi yai homu pemene yao.
2Te Genuai Bidigo genuai nogi ugwaba sao. Agai magi sę isąma, wiegi yai mu bidiyu, tama dagego agaba lotu waiąo.
3Genuai Bidigo po obadi, tama augwaligo te tamu ąį pedai tigidali badu odobo dao. God aga te genuai nogi me bomo elalu, tama agai i bomonama wabo te be kulukulu wabo tiwai ebo dao. Te agai po te genuai tamu ąį tigidali badu pedaide te po wabo dao.
4Te Genuai Bidigo i wabo bomo te genuai elalubao. Tigidali bidigo Godigo i wabo odolama, tama augwali agade wi ebo dao.
5Te Genuai Bidigo i wabogo te genuai ni sida dabe pedaibao, tama agai te Lebanon bulu du dabede ni sida dabe me peda sabo dao.
Godigo Nogi Ugwaba Sabo Tęąbi Po Wabo Buku Dabe 29
Godigo Nogi Ugwaba Sabo Tęąbi Po Wabo Buku Dabe 29:1-5