Godigo Nogi Ugwaba Sabo Tęąbi Po Wabo Buku Dabe 17:5-13

⁵Eno sesemane sogo nago kolesaga wali peyu, tama eno sągą dwasianu me geda mubeo.

⁶God, eno nagebolo gedu haluasa po wabo dao. Magi baso meni, nago eno gedu haluasa po wei ponobo dao. Nago olo eno gedu haluasa po wabo digi munama, odao.

⁷God, nago dabolo dwagi yai homu elama, olo mu tau sabo genuai kolesaga ola mayu, tama ena tau sao. Da nage dali pąde bidiyu, tama boi bidi augwaligo da suidali weyu duala sai.

⁸Ena tonaluao, nago naga gedu tonalubo tiwai ena tonaluao. Ena nago bugagia mu dualao, te ba kakaruk aga wai dabe bogogo mesega sabo tiwai ilama yao.

⁹Tama dwai bidi dabe augwaligo ena dologobeo. Augwaligo ena dali boi bidi mu elama, tama augwaligo ena bobegelebao.

¹⁰Augwaligo gasa bidi dali homu dene eyu, olo me tau sabeo. Augwaligo genuai po dągą weyu, tama augwa nogi naga ugwaba sabo dao.

¹¹Augwaligo ena pobeasa biliyu, tama megi augwaligo ena bobegelebao. Augwaligo ena aiyaba elaluainogo bodolu munama, tonalubo dao.

¹²Augwali te laiongo hasa elainogo ebo tiwai, tama te bomai laion duala sela tonalubo tiwai ebo dao.

¹³Genuai Bidi, nage aselama, eno boi bidi dali hwįnama, augwali aiyaba elaluao. Nago bobobage hwągo augwali dali hwįnama, tama ena dwai sę ebo bidi dabego nogode ma sao.