Gesami Hea:su 9:11-16

¹¹Hina Gode da Saione soge amo ouligisa. Ema nodone gesami hea:ma. Fifi asi gala huluane ilima Ea hou olelema.

¹²Nowa dunu e se nabasea amola disia, Gode da hame gogolesa. Amola dunu da ilima se iabe, Gode da ilima amolawane se iaha.

¹³Hina Gode! Nama asigima! Nama ha lai dunu da nama se bagade iaha. Hina Gode! Na bogosa:besa:le, hedolo fidila misa.

¹⁴Amasea, na da Yelusaleme dunu fi amo ilia midadi lelu, liligi huluane na Dima nodosa, amo huluane ilima olelemu. Dia da na gaga:iba:le, na da hahawane bagade ba:mu.

¹⁵Hame lalegagui dunu fedege agoane da ilia uli dogole, amo ganodini dafai. Ilia da eno dunu sa:ima:ne sanenisisia, ilisu da amo sani ganodini sa:i dagoi.

¹⁶Hina Gode da Ea moloidafa fofada:su amoga Ea hou olelesa. Be wadela:i hamosu dunu da wadela:le hamobeba:le, ilila: sanenisisu amo ganodini daha.