Gesami Hea:su 95:3-11

³Bai Hina Gode da Gadodafa amola ‘gode’ huluane amo baligisa.

⁴E da osobo bagade huluane amola osobo magufu gelabo gaga:i gududafa amogainini heda:le, agolo gagai gadodafa amoga doaga:le, amo huluane ouligisa.

⁵E da hano wayabo Hi hahamoi amola soge Hi hahamoi amo huluane ouligisa.

⁶Misa! Ninia da Hina Gode nini hahamosu dunu, Ema muguni fili guduli amola dialuma beguduli, Ema nodone sia:ne gadola:di!

⁷E da ninia Gode! Amola E da nini gilisi dialebe dunu amo noga:le ouligili, ninima ninia hanai liligi amo iana.

⁸Wali, Ea sia:be amo nabima! Dilia aowalali da Meliba sogega amogai esala, ilia da amo haga Masa hafoga:i sogega esalebe agoane asigi dawa:su gawamaga:i, amo agoane mae hamoma.

⁹Amogai ilia Na ilima hamobe ba:i. Be amomane, ilia da Nama adoba:i.

¹⁰Ode 40 agoane Na da amo dunu ilia hamobe amoga hihini ba:lusu. Na da amane sia:i, “Ilia da Nama hagasa! Ilia da Na hamoma:ne sia:be amo nabimu higasa.

¹¹Na da ougiba:le, dafawane hamomusa: sia: amane ilegei, “Dilia da soge Na diligili helefima:ne imunusa: ilegele sia:i, amoga da hamedafa doaga:mu.”