Gesami Hea:su 90:8-15

⁸Di da ninia wadela:i hou nini wamo hamobe Dia ba:be amo huluane Dia midadi ligisisa.

⁹Ninia fifi ahoanusu da Dia ougi hou amoga gasiguda:le dunumuniginisisa, amola sia: sadoga sia:sea fofonobona ahoabe agoai gala. 80

¹⁰Nini da ode 80agoane esalumu galu, be amomane ninia da ode 70 amoga fawane doaga:sa, ninia da gasa galu ganiaba, ilia ninima gaguli mabe da bidi hamosu amola disu fawane gala, esalusu da gadenene baligimu, amola ninia da asi hame ba:mu.

¹¹Nowa da Dia gasa bagade ougi hou amo bagade nabibala:? Dia ougi hou gasa bagade mabe amoga beda:su hou da Nowa dawa:ma:bela:?

¹²Ninia esalusu da habowali seda ganumu, amo ninima olelema! Amasea ninia da noga:le dawa:su dunu esalumu.

¹³Dia ougi hou da habowali seda dialoma:bela:? Hina Gode, Dia hawa: hamosu dunuma asigima!

¹⁴Eso huluane hahabe Dia da nini Dia mae fisili asigidafa hou amoga ianoma, amasea ninia da esaleawane Dima nodone gesami hahawane hea:lumu.

¹⁵Di da ode bagohame amoga da:i diosu fawane ninima ianusu. Be waha Di da ninima hahawane hou bagade ima.