Gesami Hea:su 84:1-7

¹Hina Gode Bagadedafa, na da Dia Debolo diasu amo bagadewane hanai gala!

²Na da amoga esalumusa: hanai bagadewane gala. Na da Hina Gode Ea Debolo Diasu amo ganodini esalumusa: bagadewane hanai gala. Na da:i huluane amoga na da esalebe Godema hahawane nodone gesami hea:sa.

³Gogobe amolawane da ea musugai gala amola segena:dia amolawane da ilila: diasu gala amola ilia da ilia mano amo Dia oloda gadenene dialoma:ne hamosa. Hina Gode Bagadedafa da na Hina Bagade amola na Gode!

⁴Dia Debolo ganodini esalebe dunu ilia da eso huluane hahawane bagade gala! Ilia da Dima nodone eso huluane gesami hea:lala.

⁵Dimadi misi gasa lai dunu ilia da hahawane bagade gala. Ilia da Saione goumi amoga masunusa: bagadedafa hanai gala

⁶Ilia da Ba:iga hafoga:i fago amodili baligisa ba:loba, amo soge da bubuga:su soge hamonanebe ba:sa, amola woufo dialu gibu dabe amoga da si hano nabale gagai.

⁷Ilia mae gogaeane gasa filiwane ahoa. Ilia da Gode (E da eno ‘gode’ bagade baligisa) Saione goumi da:iya ba:mu.