Gesami Hea:su 18:43-46

⁴³Hame nabasu dunu da nama hasalasimusa: dawa:i. Be Di da na gaga:i. Di da na fifi asi gala ilima hina bagade hamoi. Amola dunu fi na da musa: hame dawa:i, amo da na ouligimusa:, nama misi dagoi.

⁴⁴Ga soge fi dunu da nama beguduli, na sia: nabawane fa:no bobogesa.

⁴⁵Ilia da beda:ga ilia gasa bagade gagoi amo fisili, yaguguiwane gadili maha.

⁴⁶Hina Gode da esala. Na Gaga:su dunuma nodoma! Na Gaga:su Gode amo Ea gasa bagade hou amo dunu huluanema olelema.