Genisis 8

1

2

3

4

6

7

8

9

11

12

13

14

15

16

17

18

19

21

22

25

26

28

35

37

39

40

41

42

45

46

48

49

50

¹⁵Na God ivisisiya Nowa biidi iwona bo,

¹⁶“Wavinem, natunatum da natuwavinedi teya waga kokanibutaveni koyowogha.

¹⁷Sawara yawayawiidi tupadi yawata kabitavedi sinayowogha - manu, ribiribi da mekodi tanave sasasadi - da sinituwa wiipeyara da mmko kuburina tupana sinibonuvi.”

¹⁸Wasina, Nowa, wavinena, natunatuna da natuwavinedi teya waga sikanibutaveni.

¹⁹Bi kate ribiribi tupadi, manu da mekodi sasasadi kadirokone waga sikanibutaveni bada siyowogha.

²⁰Wasina bi Nowa, suwara gibugibu gawarina ibera bi ribiribi da manu miimiisedi mekodi Yawe God iviwaghasinedi suwara kiiravinena, yadi tubugha nunudigha tatadigegha iyouna bi ere tupadi igibu da Yawe biidi isuwara, suwara gibugibu debane.

²¹Raghanina Yawe God mmko suwarina pughuna imaghani da ighabu, na nuwanuwana kamone iwona bo, “Akovi da wawaya na ededa raghanine noghota berodi nuwanuwadiye sanoghonoghota na sadaguni, bi Tagu kate gegha meyani mmko kuburina anakasiwiibero mayenina, bagune akovi da wawaya awaki siberana. Bi bada kate gegha sawara yawayawiidi aniberodi da ware kata aberana naboni.

²²Raghanina kubura inamakamakena, wawa da yaba, bodu da kwamra, kiyara da gabudara raghani da nubabasu, sinanagho wiikarukaru, da gegha sinakovi.”