Genisis 45

1

2

3

4

6

7

8

9

11

12

13

14

15

16

17

18

19

21

22

25

26

28

35

37

39

40

41

42

45

46

48

49

50

⁴Wasina bi Jousep warewaresina iwonedi bo, “Maboda kopiika ririguve.” Bi sipiika ririne na iwona bo, “Tagu waresimi Jousep, iiyabo kovigimoneni Midiyan damdi da toudi sikabigu sinagho Ijipt damdi biiyadi.

⁵Na genuwanuwami sinavisi bo tamimani koniwawuvivirana da mabo kovigimonegu, basuna God tounamani iviporagu avinagho da wawaya ayiyawiidi.

⁶Kiiravine kata na bodu bata gomara mmko kuburina kamone. Bi bodu yadi 5 kamodiye na kwabu beradi da kabipura gegha.

⁷Na God iviporagu avinagho da mmko berakayowiiwiiyakinama ayiyawiimi da nosinosimi viya mmko kuburine sinamake.

⁸Na getami koyiporagu mabo, bi gegha da God. Na itoregu da kiiwawo yana bada ghamanakina tana, yana wawaya kadi koyakoyagha da kate Ijipt kuburina tupana kana wiibadana.

⁹Na konagho yaininagha, tamagunaki biidi bi kowoneni bo, ‘Natum Jousep iwona da, “God iberagu da Ijipt kuburina tupana kana bada. Na kuyowogha yaininagha tagu biidi bi gekunimetewana.

¹⁰Bi Gosen kubure kunamake, da tagu ririguve - tam, natunatum, tubutubum, yam ribiribi gisigisidi da ghamaghamadi da kate sawara rapemve na tupadi.

¹¹Da name na tagu kam anavereveremi, basuna gomara bodudi yadi 5 katare bada sinapiika. Bi meboda gekonayowogha na tam, yam rakaraka da yam ribiribi yawata tupami vitonana konarabobo.” ’”

²⁵Wasina bi Jousep warewaresina iyiyarokodi Ijipt sikanibutaveni siveramagha Kenen kubure tamadinaki biidi.

²⁶Raghanina sipiika na siwoneni bo, “Jousep patana yawayawiina, bi wiisuwona Ijipt kuburina tupana yibadeni.” Jeikap yadi sisiya iwaiyana na nuwanuwana irugaogaowori da gegha iyigeruvedina.

²⁷Bi raghanina sisiya tupadi metagha Jousep iwonedi na siwoneni, bi kate ikita da Jousep weigon iviporapora da siyigeru siyaveramagha Ijiptma. Na tamadinaki Jeikap yana noghota inoveramagha.

²⁸Na iwona bo, “Wonawaghata! Natugu Jousep patana yawayawiina. Ananagho anakita bi muriye da anarabobo.”