Genisis 35

1

2

3

4

6

7

8

9

11

12

13

14

15

16

17

18

19

21

22

25

26

28

35

37

39

40

41

42

45

46

48

49

50

⁹Jeikap, Mesapotemiyama iveramagha, bi Betel kwanatune iyamakamake na God irumaghataramagha touna biidi da ivimiiseyeni.

¹⁰Bi iwona bo, “Tam kam waghawagha Jeikap, bi gegha muriye sinakwatuvem Jeikap. Kam waghawagha na Isrel.” Na ikwatuveni Isrel.

¹¹Wasina bi God iwona bo, “Tagu God Maragata Kirakiigu. Kuvituwa da natunatum sinakoroto. Tam nosinosim na sinidam kiitowana bi dam mududi bi kiikiiwawo tamve sinatubugha.

¹²Tagu tanawa anaverem, noko Abraham da Aisik averedina bi bada mmko tanavina nosinosim murimve anaveredi.”

¹³Wasina bi God, noko gawarine Jeikap yawata sivisisiya, na ikuyoveni inagho.

¹⁴Bi gawarina meme God touna biidi ivisisiya, na Jeikap akima ikabiwiimiiri bi wain iwayi debane da naboni yana suwara. Wasina bi oliv miina bada debane iwayi.

¹⁵Bi noko gawarina ikwatuveni Betel, basuna God name ivisisiya touna biidi.

¹⁶Noko murine Jeikap yana dam yawata Betel sikuyoveni bi siwagawaga siyanono, na boga gisina rabarabana bi muriye da Ifareit kwanatune siyakanibu. Na Reitsel wawaya idaguni. Bi yana wiituwa ipiropiro

¹⁷na patana iyibusura da sinivisi ghamana iyidami bi pepeya iyatubutubugha. Na wiiburaburawa wasikena iwona bo, “Gekunanagharana! Tomogha tana kuvitubuyi.”

¹⁸Raghanina Reitsel yawiina itavenatughureni - bi rabobo biidi na pepeyina ikwatuveni Benoni. Bi tamananaki ikwatuveni Benjiman.

¹⁹Wasina bi Reitsel irabobo na name Ifareit (kata sakwatuveni Betlihem) kedana ririne sidogu.

²⁰Bi Jeikap wavinena karawagine akima ikabiwiimiiri. Noko akimina na kata patana nama da Reitsel karawagina yimatakireni. Wasina bi Jeikap natunatuna yadi 12 kadi waghawagha mma.

²³Liya natunatuna: Rubin na Jeikap natuna iyarokona, Simiyon, Livai, Jiuda, Isaka bi Jebulan.

²⁴Bi Reitsel natunatuna: Jousep da Benjiman.

²⁵Reitsel yana wiitamariyana wasike, Bilha natunatuna: Dan da Neptalai.

²⁶Liya yana wiitamariyana wasike, Zilpa natunatuna: Ged da Aser. Mmkodi na Jeikap natunatuna Mesapotemiya kubure natuwavinena sivituvedi.

²⁷Wasina bi Jeikap iveramagha Mamrima, Kiriyat-Aba (kata sakwatuveni Hebron) ririne, tamananaki Aisik biidi. Bi mmko kuburine Abraham imake, bi bada muriye Aisik imake.

²⁸Bi Aisik imakae da kana bodu 180.

²⁹Touna imoraba da ikabipipin bi irabobo, na kayekikina muridigha inagho. Wasina bi natunatuna Isso da Jeikap tubuyina sidogu.