Gaalu Sɛʋɛi 22:11-19

¹¹‹Nuɓusɛiti ti ɠulaai Ezipete yooi ʋa, niizu ti ʋɛa zooi zu mɛɛ. Ʋa, è ti voovo bɛ̀, tanisu nà zoo naazu gè ti zakpe, gè ti ɓɛ.› »

¹²Kɛlɛ GALA ge ɠɛni Ɓalaame ma: «Mina ʋilɛ ti ʋolu, wo ʋa li. È la niima nuɓusɛiti foovoa, mazɔlɔɔ tuyai ɠa ti ma.»

¹³Poluma zobui, Ɓalaame liini, é ɠɛ kundiɠiiti ma, niiti Ɓalake ti leʋeni: «À ɠale ma wa-yooi zu, mazɔlɔɔ Ɠɔoɠɔ GALAGI la yeezeini bu ga gè ʋilɛ wo ʋolu.»

¹⁴Moaɓe zou zu ɠundiɠiiti ti wuzeɠeni, ti ɠale ma Ɓalake ʋɔ bɛ, ti ɠɛni ma: «Ɓalaame la kɛɛni, é ʋa ʋilɛ gi ʋolu, gi ʋa ʋa.»

¹⁵Ɓalake kundiɠi ɠiligaa leʋeni, ti mɔin gola, é leʋe ma mɔungi ʋa, ta unfemai veezu ti ʋɛ, é leʋe mɔun keleiti ba.

¹⁶Ti ʋaani Ɓalaame ʋɔ bɛ, ti ɠɛ ma: «Sipɔɔl ná-doun zunui Ɓalake ɠɛ: ‹Soma, è mina ɠɛlɛ, è ʋa è ɓɔ bà.

¹⁷Nà è wola wɔɔlɔ, nà naa pɛ kɛ, nii ɗa maaɠaazaɠabo mà. Kɛlɛ kɛni è ʋa, è nuɓusɛi tɛiti foovo bɛ̀.› »

¹⁸Ɓalaame Ɓalake ná-botiɠɛ nuiti gooɠaaʋoteni, é ɠɛ ti ma: «Anɛɛ ni Ɓalake ɠa ʋaazu ga walii ta zanugi, nii é ná-masa pɛlɛi laavegai, é fe zèa, gè la Ɠɔoɠɔ GALAGI, nà-GALAGI ná-devei tanɔpɛ koloɠologa, ma wola, ɓaa ma go.

¹⁹Kɛlɛ tama, wa ɓalaa, à yɛ ʋɛ za kpɔkɔi. Nà pɔ gè naa ɠwɛɛ, nii Ɠɔoɠɔ GALAGI ɠa pɔ é fai ta wo mà dɛ.»