Gaalu Sɛʋɛi 21:26-31

²⁶Mazɔlɔɔ Ɠɛseɓon ɠɛni ga taa wola, ʋɛ Amɔɔl nuiti ta-masagi Siɠon ɠɛni zeini ná, é zo naama ziɛgi zu ma, é kɔɔi ʋɛɛni la Moaɓe masagi ʋa, é zooi kpein seɠeni, é zeeli ziɛ wolai Aalenɔn ma.

²⁷Naa ɠa é ba, faaɠwɛ nuiti ti boni la, ti ɠɛ ma: «À ʋa Ɠɛseɓon! Siɠon ná-taai lo ʋolu, é lo ʋolu!

²⁸Mazɔlɔɔ abui ɠa vukazu, é ɗa ɠula Ɠɛseɓon, abuzogi vazaga, é ɗa ɠula Siɠon ná-taazuʋɛ, é Aal ɠala Moaɓe yooi zu, ta Aalenɔn ada ɠaaɠoozagiti maliɠiiti.

²⁹Maanɔɠɔi ɠa è ʋɛ, Moaɓe! È loa ya, Kemɔse ná-nuɓusɛi! È-loun zunuiti ti ʋela. È-loun anzanuiti ti ɠɛa ga Amɔɔl nuiti ta-masagi ná-duɔiti, ungo, Siɠon masagi.

³⁰Gi gá-mɛɛinti pilini Amɔɔl nuiti ma! Niizu zooi pɛ ge ɠoloɠologa, é zo Ɠɛseɓon, eyɛsu é zeeli Diɓon. Eyɛsu é li Nɔfa, é li ɠite Meedeɓa, gi ti kpein koloɠoloni!»

³¹Zekana Izelayɛle nuiti ti zeini la Amɔɔl nuiti ta-yooi zu.