Eklezyas 1:4-7

⁴Moun fèt, moun mouri. Men sa pa deranje anyen sou latè.

⁵Solèy leve, solèy kouche. L'ap kouri tounen kote pou l' leve a ankò.

⁶Van an soufle soti nan nò desann nan sid. Apre sa, li vire soti nan sid moute nan nò. Konsa, l'ap vire tounen nan menm chemen an san rete.

⁷Tout dlo larivyè desann nan lanmè, men lanmè pa janm plen. Dlo a tounen kote larivyè a te soti a. Konsa, larivyè a pa janm sispann koule.