Ekisi 11:7-12

⁷Na ire ije gavo ijia na fieke vua be saove gufia ijiege kume, Fita ni urina fanuve ije kania buvua ino kumei.

⁸Fu ijiege kumenoga na una gue kume, E Ireobo na ire ise ijieki ije na ivo baki ijadufuo nabe kaniana buvua ikono kumei.

⁹Na ijiege kumevoga fu una kuke kume, Ire ije fune Godire amaeriaema ijadufuo bu maturae. Ijadufuo ade kuae fu iseno kuaemono kumei.

¹⁰Vua ije fu maza inokubeke ijiege kuariemo na fiekoga ire ugone igeki ije fune una meruna saove gufia ajia vae.

¹¹Areme maza besu ijia e inokubeke bu na mesiriekuae ro are na fijo viene ijia irei.

¹²Bu ijia irekoga Godido Kavene fu na kie, A e ije ruaeva ije ade giana oe binobino vierafekiro nime buina vano kie. Ijadufuo nane buina vakoga e none Godi ma vierafevo gue bune naena e Koniriasido are ijia vae. Areme none e Koniriasido are ijia aru vakoga fu uri vua izege anera fu are fuone ijia ari kuaraema ije kuarie. Fu kuo anera ije fu kie, ani e one bino kia bu va are Jofa ijia usiaena e Saemoni Fita mesiri rono kie. A mesiri roga fure Godido vua maeje abe kuaraga a agane one ijena vua ije fiega Godi fu ja karauniano kie.