ᤛᤣ᤺ᤰᤕᤢᤰᤔᤡᤒᤠᤜᤠ᤹ 11:7-12

⁷ᤋᤠᤱᤛᤠᤰᤐᤥᤗᤠᤶ ᤀᤡᤰᤗᤠᤎᤡᤰ ᤂᤧᤵᤛᤢᤱ. ‘ᤐᤋᤪᤢᤛᤣ. ᤐᤥᤃᤧ᤹᥄ ᤛᤧᤖᤧᤛᤧ᤹ᤀᤠᤱ ᤆᤧ᤹ᤀᤥ॥’

⁸ᤁᤖ ᤀᤡᤱᤃᤠ᤹ ᤏᤥᤃᤵ ᤐᤡᤖᤢᤱ. ‘ᤛᤧᤰᤂᤠᤛᤠᤱ ᤀᤰᤋᤱᤒᤠᤃ ᤀᤡᤱᤃᤠ᤹ ᤔᤧᤈᤠᤀᤠᤴᤗᤥ॥ ᤀᤠᤸᤗᤥ ᤌᤠᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤍᤠ᤺ᤰᤋᤢᤶᤒᤠ ᤆᤠ ᤌᤣᤀᤠᤱ ᤔᤧᤴᤈᤠᤀᤣ ᤘᤠ᤹ᤀᤠᤖᤥ॥’

⁹ᤕᤠᤶᤔᤥ ᤋᤠᤱᤛᤠᤰᤐᤥᤗᤠᤶ ᤂᤧᤴ ᤀᤡᤰᤗᤠ᤺ᤴ ᤂᤧᤵᤛᤢᤱ. ‘ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤋᤠ᤺ᤰᤋᤢᤒᤠ ᤁᤢᤈᤠᤜᤠ᤹ ᤀᤠᤵᤑᤠᤸᤗᤧᤀᤠᤱ ᤕᤠᤵᤔᤡ ᤁᤧᤈᤡ᤺ᤶᤒᤠ ᤔᤧᤗᤣ᤺ᤳᤋᤧᤴᤏᤧ᤹ᤀᤥ॥’

¹⁰ᤜᤧᤰᤁᤣᤗ᤹ᤖᤡᤰ ᤛᤢᤶᤗᤧᤱ ᤀᤰᤂᤣ ᤐᤥ᤺ᤰᤂᤧᤀᤠᤱ ᤋᤠᤱᤛᤠᤱ ᤌᤥ ᤂᤧᤴ ᤐᤰᤂᤧ ᤋᤣ᤹ᤖᤧᤒᤠ ᤏᤡ᤺ᤛᤢᤱᤗᤥ॥

¹¹ᤒᤠ ᤂᤧᤴ ᤕᤧᤶᤔᤥ ᤛᤡᤈᤖᤡᤕᤠᤗᤠᤶ ᤀᤠᤗᤠ᤺ᤛᤧ ᤔᤧᤒᤠᤱᤄᤢᤛᤡᤒᤠ ᤛᤢᤶᤛᤡ ᤔᤏᤠᤜᤠ᤹ ᤀᤡᤱᤃᤠ᤹ ᤕᤠ᤺ᤰᤋᤠᤱᤒᤠ ᤜᤡᤶᤔᤥ ᤔᤧᤃᤧᤖᤧ॥

¹²ᤛᤣᤛᤣᤔᤠᤱᤅᤡᤸᤗᤧᤀᤠᤱ ᤔᤧᤳᤋᤠᤱ. ‘ᤌᤡᤶᤔᤧᤴᤍᤱ ᤛᤢᤘᤠᤱᤛᤡᤛᤠᤱ ᤆᤵᤆᤡ ᤔᤧᤴᤈᤥ᤺ᤰᤁᤣ ᤂᤧᤱᤜᤠ᤹ᤏᤢ ᤐᤣᤃᤧ᤹ᤀᤥ॥’ ᤂᤧᤵᤔᤥ ᤋᤢᤰᤛᤡ ᤏᤛᤠᤏᤡᤒᤠ ᤑᤢ᤹ᤏᤢᤛᤠ᤹ᤜᤠ᤹ᤀᤠᤱ ᤀᤡᤱᤃᤠ᤹ᤏᤢ ᤛᤡᤈᤖᤡᤕᤠᤀᤥ ᤔᤧᤒᤣ. ᤜᤧᤰᤁᤩᤠᤱ ᤛᤥᤖᤡᤰ ᤁᤷᤏᤠᤗᤡᤕᤛᤖᤧ ᤁᤢᤜᤡᤶᤔᤥ ᤐᤣ᤺ᤰᤔᤏᤠᤖᤥ॥