Ekeliziasiti 6:2-10

²Ponia tinagotago Tamasa si keke tie, meke na likakalae meke vina lavata tugo, pude saripu okoro ni sa bulona si koa betodia, ba lopu ponia lolomo Sa pude liṉiliṉi i sa pa maqomaqona sari nana tinago, ba na votiki tie tu mae qetu ni. Hie si namu loketoṉa laena, na kinaleana nomana.

³Be tagoa sa tie si keke gogoto koburu meke toa soku ṉavulu vuaheni; be vea seunae gua sa nana tinoa ba lopu liṉiliṉia sa nana tinago meke lopu ta pomunae va leana si asa, si na koburu sapu mate pa tiana sa tinana si leana hola nia si asa.

⁴Na loke laena sa pinodo tanisa koburu; pa hinuporo si mate si asa, meke loke pozana.

⁵Be lopu dogoria sa sa rimata meke loketoṉa gilania, ba magogoso nana si asa, hola nia sa sa tie asa;

⁶na kote boka toa karua tina vuaheni tugo sa tie, ba sina lopu liṉiliṉi i sa pa maqomaqona sari nana tinagotago, si sa koburu si leana hola nia. Vea, lopu mate beto mo sari karua? Ke sa mo sa laena?

⁷Doduru tinavete tanisa tie si pude henahena na napo mo, ba sa tiana si lopu boka deṉa.

⁸Na sa si leana koasa tie gilae, hola nia sa tie pekipeki? Na sa sa laena koa sa tie malaṉa pude gilagilana, meke pude pamaṉa pa tie?

⁹Pude qetu nia sapu dogoro soti matana, si leana hola nia si pude okoro tago va soku. Hie tugo si loketoṉa laena, na hadu luli givusu mo.

¹⁰Doduru pu ele va podaki Tamasa si ele koa beto pozadi, meke sa guguana sa tie si ele ta tumaena; loke tie kote hiva toke ia sa tie sapu ṉiṉira hola nia si asa.