ECCLESIASTES 7:14-18

¹⁴Considera opera Dei, quod nemo possit corrigere quem ille despexerit.

¹⁵In die bona fruere bonis, et malam diem præcave; sicut enim hanc, sic et illam fecit Deus, ut non inveniat homo contra eum justas querimonias.

¹⁶Hæc quoque vidi in diebus vanitatis meæ: justus perit in justitia sua, et impius multo vivit tempore in malitia sua.

¹⁷Noli esse justus multum, neque plus sapias quam necesse est, ne obstupescas.

¹⁸Ne impie agas multum, et noli esse stultus, ne moriaris in tempore non tuo.