EBERUNƆ 10:16-34

¹⁶Ma bà kuunańyo gurↄ beeenↄ gbɛra yãn yɛ̀: Mɛ́ ma dokayãnↄ dańnɛ ń nↄ̀sɛ guu, mɛ́ kɛ̃ ń swɛ̃̀a.

¹⁷Gbasa à bè: Mɛ́ ń durun kↄ̃n ń taarinↄ yã da dↄro.

¹⁸Lán à ń durun kɛ̃̀ńnɛ nà, sa'ona ń yãnzi zɛ́ vĩ dↄro.

¹⁹Beee yãnzi ma gbɛ̃nↄ, kↄ̃n Yesu aru gbãaao wá gɛ̃na Ludakukiin zɛ́ vĩ kↄ̃n swɛ̃̀o kpaɛna,

²⁰zaakɛ à wɛ̃̀ndi zɛ́ dufu bↄ̀we a mɛ̀ gãzĩ à gɛ̃̀wao lábure kpɛɛ.

²¹Lán wá sa'ori ìsi vĩ nà Luda uakũri ũ,

²²wà sↄ̃ Ludazi kↄ̃n nↄ̀sɛo do kↄ̃n à náanɛkɛna seka saio kↄ̃n swɛ̃̀ kɛ̀ wà pìpi wà taari laasuu bↄ̀ à guuo kↄ̃n mɛ̀ kɛ̀ wà à zú ò kↄ̃n í wásawasao.

²³Wàgↄ̃ tãmaa kɛ̀ wa zɛo kũna gíngin, zaakɛ Luda à lɛ́ gbɛ̃̀, bensↄ̃ à náanɛ vĩ.

²⁴Wà làakari dↄkↄ̃a, wà tɛ́ ká kↄ̃n yenzi kↄ̃n maakɛnao yã musu.

²⁵Wàton pã kpá wa kakↄ̃anazi lán gbɛ̃kenↄ è kɛ nàro. Wà lɛ́ dakↄ̃a, atɛ̃nsa lán á è Dii sugurↄↄ e kaa kĩi nà.

²⁶Tó wa yãpuraa mà wá dↄ̃̀, tó wá kpɛ́ wée durun kɛɛ gĩanzi, sa'ona kɛ̀ eé durun kɛ̃wa kuu dↄro.

²⁷Pↄ́ kɛ̀ gↄ̃̀wee bé à dɛ wàgↄ̃ wɛ́ɛ dↄↄ yãkpaɛzi ũ kↄ̃n swɛ̃̀kɛ̃nguo kↄ̃n tɛ́ gbãaa kɛ̀ eé Luda ibɛɛnↄ kaatɛo.

²⁸Wè gbɛ̃ kɛ̀ gì Musa doka dazi dɛ à wɛ́ɛ gwana sai gↄ̃ↄn plaa ke aagↄ̃ sèedakɛna musu.

²⁹Tó gbɛ̃ kɛ̀sɛ pɛ̀ɛ Luda Nɛ́a, ben à kya kà Luda bà kuunańyo aru kɛ̀ à gbãsĩ bↄ̀agun, ben à Nini Gbɛ̃kɛkɛnnɛri sↄ̃̀sↄ̃, àgↄ̃ dↄ̃ kɛ̀ à wɛ́ɛtãmma égↄ̃ bíta dɛ beeela maamaa.

³⁰Zaakɛ wá yã kɛ̀kii òri dↄ̃ à bè, ámbe é gɛ̃ɛ boḿma, ámbe é fĩa bońnɛ. Wà bè dↄ, Dii é yãkpaɛ kɛ kↄ̃n a gbɛ̃nↄ.

³¹Yã pãsĩmɛ, tó n lɛɛ n da Luda Wɛ̃̀ndide ↄzĩ.

³²À laasuu lɛ́ a kuuna yãaa. A wɛ́ɛkɛ̃na gbɛra a nawɛ̃a fↄ̃̀ a ↄsi bíta kana guu.

³³Zĩkenↄa wè a sↄ̃sↄ̃, wè wɛ́ɛ tãawa parii guu. Zĩkenↄa eè zɛ kↄ̃n gbɛ̃ kɛ̀ wèe wɛ́ɛ tãaḿma lán beee bànↄo.

³⁴A pisinanↄ wɛ̃nda dↄ̃̀. Kɛ̀ wà a pↄ́nↄ sìawa, a wezi kↄ̃n pↄnnaao, zaakɛ á dↄ̃ kɛ̀ a auziki maaa kɛ̀ eégↄ̃ kuu ai gurↄ píngi vĩ.