Dioni 4:26-32

²⁶Ige Iesuu avuho loui avoe, “Ata ke dailiko aho louma.”

²⁷Kateai lousege esemuiabeau hoidevei lohoge Iesuu keate keti hotohotoima. Ige abu ke elehai vikolahalu. Isi isiviale keate ke belahai avuho loui kosea, “A onole vama.” Isi isiviale Iesuho loui kosea, “A osiohoike keate keti hotohotoima.” Katelahai huhulahaito abuho hotobe louholilu.

²⁸Abu lohoale velehovosege keate keu au e bagu halei oe tiale ataho hoto ke lounu.

²⁹Isi namigevei avoe, “Lohoge nahi talive malaha mole elehai. Malaha keu di vaveve bahata vamale ke daho lounu. La huhuige nahie ata tedaeveve kosive Keliso kenike.”

³⁰Kateai louge ataeau o halevai Iesue loholu.

³¹Isito abu lohoholisege Iesu esemuiau avuho loui avoe, “Kosive, lovi mai inela.”

³²Ige Iesuu abuho loui avoe, “Di lovi iale ke la hilokaholilu.”