Jon 4:26-32

²⁶Yesumi lalo: Go aare ni yaade. Abia ne raapu agaa go tapa-daa sa.

²⁷Goa lalaina Yesuna disaipel aanu ipua Yesu pa ona meda raapu agaa lakeloaaya-ga kone adaapu isimi. Pare disaipel aanumi paala omoa nalakesimi: Neme ake pua go ona lakelae pa simi.

²⁸Go rabu go oname nipuna ipa pe gimoa mo adaare-para pua onaanu-para gupa pua lakesa:

²⁹Go aa meda epa adalepa. Nipumi nina pisude-anu rayo epa lagia-pulu nipu Gote-me Mea Repae Aa yapae sa.

³⁰Goa sa rabu nimu su adaare gimoa Yesu piri-para adola ipisimi.

³¹Go ipisimi raburi mo disaipel aanumi nipu-para lalo: Tisaa, ne eta na simi.

³²Pare Yesu nipumi lalo: Nina eta medaloma ina nimimi na-ademe.