ᤕᤢᤜᤢᤴᤏᤠ 4:26-32

²⁶ᤕᤧᤛᤢᤖᤧ ᤂᤧᤴ ᤏᤥᤃᤵ ᤐᤡᤖᤢ. “ᤂᤧᤏᤧ᤹ᤏᤢ ᤋᤠ᤹ᤁᤧᤈᤧᤱᤒᤠᤴᤏᤣ ᤂᤢᤏᤧ᤹ᤖᤥ॥”

²⁷ᤒᤠ ᤂᤧᤴ ᤕᤧᤶᤔᤥ ᤕᤧᤛᤢᤖᤧ ᤁᤢᤜᤢ᤹ᤛᤠᤶᤒᤠᤜᤠ᤹ ᤂᤧᤵᤔᤥ ᤔᤧᤃᤧᤖᤧ ᤔᤧᤍᤩᤧ॥ ᤂᤢᤏᤧ᤹ ᤂᤧᤴ ᤔᤧᤴᤇᤢᤔᤠ᤹ᤀᤡᤴᤏᤢ ᤋᤠ᤹ᤈᤧᤱᤏᤢ ᤕᤢᤅᤧᤒᤠ ᤔᤧᤏᤡ᤺ᤛᤢᤀᤠᤱ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤖᤥ॥ ᤜᤧᤰᤁᤣᤛᤠᤱ ᤂᤧᤱᤜᤠ᤹ᤖᤧ ᤂᤧᤏᤧ᤹ ᤌᤣ᤺ᤴ ᤆᤠᤜᤠᤒᤠ ᤁᤧᤈᤥᤃᤧᤒᤣ᥅ ᤀᤡᤃᤪ ᤌᤣᤀᤠᤱ ᤂᤧᤴᤏᤢ ᤋᤠ᤹ᤁᤧᤈᤧᤱᤒᤠᤒᤣ ᤑᤠ᤹ᤀᤠᤱ ᤛᤣ᤺ᤴᤔᤧᤴᤍᤥ᤺ᤛᤢᤴᤗᤥ॥

²⁸ᤜᤧᤰᤁᤩᤠᤱ ᤂᤧᤴ ᤔᤧᤴᤇᤢᤔᤠ᤹ᤀᤡᤸᤗᤧ ᤆᤫᤠ᤺ᤳ ᤁᤢ᤺ᤴᤍᤠ᤺ᤴ ᤂᤧᤵᤔᤥᤀᤣ ᤕᤢᤰᤂᤢᤎᤀᤠᤱ ᤐᤠᤱᤈᤢᤶᤔᤥ ᤏᤢ᤺ᤰᤂᤧ ᤐᤣ ᤜᤧᤰᤁᤩᤠᤱ ᤁᤠᤰ ᤐᤠᤱᤈᤢᤶᤛᤠᤒᤠᤜᤠ᤹ ᤀᤰᤂᤣ ᤔᤧᤳᤋᤢᤛᤡ.

²⁹“ᤀᤥᤔᤧᤳᤋᤧᤶᤔᤧ᤹. ᤔᤏᤠᤎᤡᤰᤗᤧ ᤀᤡᤱᤃᤠ᤹ ᤆᤥᤃᤢᤱᤒᤠ ᤁᤠᤰ ᤀᤠᤕᤠ᤺ᤶᤒᤰᤜᤠ᤹ᤖᤧ ᤁᤢᤕᤠ᤺ᤶᤒᤣᤀᤥ ᤔᤧᤳᤋᤠᤱᤗᤥ॥ ᤑᤧᤖᤧᤶᤔᤧ᤹ᤀᤠᤱ ᤀᤥᤔᤧᤳᤋᤧᤶᤔᤧ᤹ᤀᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋ ᤔᤧᤵᤔᤏᤠᤒᤠᤴ ᤂᤢᤏᤧ᤹ᤀᤣᤃ ᤔᤧ᤺ᤶᤒᤡ᥅”

³⁰ᤜᤧᤰᤁᤩᤠᤱ ᤂᤧᤴ ᤔᤏᤠᤜᤠ᤹ ᤐᤠᤱᤈᤢᤶᤔᤥᤗᤠᤶ ᤔᤧᤗ᤺ᤴᤍᤧᤀᤠᤱ ᤕᤧᤛᤢ᤺ᤴ ᤘᤕᤧᤒᤠ ᤋᤧᤴᤏᤥ ᤔᤧᤒᤣᤖᤥ॥

³¹ᤀᤠᤸᤗ ᤜᤢ᤹ᤛᤠᤶᤒᤠᤜᤠ᤹ᤖᤧ ᤕᤧᤛᤢ᤺ᤴ “‘ᤛᤡᤰᤛᤠᤶᤒᤣ. ᤆᤠ ᤆᤧ᤹ᤀᤥ’” ᤑᤠ᤹ᤀᤠᤱ ᤐᤣᤗᤡ ᤔᤧᤓᤠᤰᤋᤢ॥

³²ᤁᤖ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤁᤳᤋᤢᤱᤒᤠ ᤀᤠᤈᤠᤔᤠ ᤆᤠ᤺ᤸᤗᤧ ᤁᤢᤕᤠ᤺ᤶᤒᤣᤀᤥ ᤂᤡᤏᤡ᤹ ᤌᤣᤀᤠᤱ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤶᤔᤡᤴᤗᤥ॥”