Dagiti Salmo 88:10-14

¹⁰Mangaramidka kadi kadagiti nakakaskasdaaw para kadagiti natay? Bumangon ken agdayaw kadi dagiti natay kenka? Selah

¹¹Maiwaragawag kadi ti kinapudnom iti tulagmo idiay tanem, ti kinapudnom iti lugar dagiti natay?

¹²Maipakaammo kadi dagiti nakakaskasdaaw nga aramidmo iti kasipngetan, wenno ti kinalintegmo iti lugar iti pannakalipat?

¹³Ngem umawagak kenka, O Yahweh; dumanon ti kararagko kenka iti bigbigat.

¹⁴O Yahweh, apay a laklaksidennak? Apay nga ilengedmo ti rupam kaniak?