Dad Nimò 4:31-37

³¹Kafngela dmasal, tamgingok i gumnè gustifunla. Na kdeela stifun déén tafnò Mtiu Tulus na midul i klabèla samtulen Tnalù Dwata.

³²Na kdee dad faglut sasatu nawala na fandamla. Na landè di dale mangman ku alò kenen mfun i knunan, bay gal ale sablé mdà di kdee dad knunla.

³³Na nun bong gnagan i dad to gal dek Dyisas fadlug samtulen, gablà di kték Amula Dyisas mdà di fati, na Dwata too mlé kafye di kdeela.

³⁴Na landè di dale knulang, du i dad to mfun tanà na dad gumnè, fablila na nebela i bayad,

³⁵na bléla di dad to gal dek Dyisas, na sansalella di dad to nun klidù.

³⁶Neyem Dyosif, satu to mdà di dad bel Libay na mdà di banwe Sifrus, i katlo i dad to gal dek Dyisas Barnabas. Na i gumtatek i dagit Barnabas dunan tamgal nawa.

³⁷Na fablin i tanaan, na i bayad tanà ani blén di dad to gal dek Dyisas.