31ኡንቱንቱ ፆሳ ዎሴዳዋፔ ጉዪያን፥ ሄ ኡንቱንቱ ሺቄዳሳይ ቃፄዳ። ኡንቱንቱ ኡባን ጌሻ ኣያናይ ኩሚና፥ ፆሳ ቃላ ቆንጬቴꬃን ኦዴዲኖ።
32ኣማኒያዋንቱ ኡባቱ ቆፋኒኔ ዎዛናን ኢቱዋ ጊዴዲኖ። ኡንቱንቱ ሜሂ ኡባይ ኢቲፔ ዴዒያዋፔ ኣቲን፥ ባሬው ዴዔዳባ ኦኒኔ ባሬንቱባ ጊቤና።
33ዬሱሲ ኪቴዳዋንቱ ጎዳ ዬሱሲ ሃይቁዋፔ ዴንዴዳዋ ዎልቃማ ዎልቃን ማርካቲኖ፤ ቃሲ ፆሳይ ኡንቱንቶ ኡባው ኣꬎ ኬካቴꬃ ዳሪሲዴ ኢሜዳ።
34ኣማኒያዋንቱ ጊዶን ሜቶታንቻይ ኢቱኔ ባዋ፤ ኣዪሲ ጎፔ፥ ቢታይ ዎይ ጎሊ ዴዒያዋንቱ ኡባቱ ዛሊዒዴ፥ ኣኬዳ ሚሻ ኣሂዴ፥
35ዬሱሲ ኪቴዳዋንቱሲ ኢሚኖ፤ ሄ ሚሻይ ኣሳው ኮሺያዋዳን ሻኬቲ፥ ሁጲያን ሁጲያን ኢሜቴ።
36ቆጲሮሳ ጌቴቲያ ሳን ዬሌቴዳ ዮሴፋ ጊያ ሌዊያ ዛሪ ኢቱ ዴዔ፤ ኣ ሱንꬃ ዬሱሲ ኪቴዳዋንቱ ባርናባሳ ጌዲኖ። ሄዋ ቢሌꬃይ «ሜንꬄꬂያ ናዓ» ጊያዋ።
37ባርናባሲ ባሬው ዴዒያ ጋዲያ ዛሊዔዳ ሚሻ ኣሂዴ፥ ዬሱሲ ኪቴዳዋንቱሲ ኢሜዳ።
ዬሱሲ ኪቴዳዋንቱ ኦሱዋ 4
ዬሱሲ ኪቴዳዋንቱ ኦሱዋ 4:31-37