Caeltueih 19:1-11

¹Apollos te Korin ah a om vaengah cingtoe kholi te Paul loh a hil tih Ephesa la a suntlak vaengah hnukbang rhoek hlangvang te a hmuh.

²Te dongah amih te, “Aka tangnah rhoek loh Mueihla Cim na dang uh a?,” a ti nah. Tedae amih long te, “Mueihla Cim a om te ka yaak uh moenih,” a ti nah.

³Te dongah, “Ba nen lae na nuem uh tah,” a ti nah vaengah, “Johan kah baptistma dongah,” a ti uh.

⁴Te dongah Paul loh, 'Johan loh yutnah baptistma dongah a nuem tih anih hnukkah aka lo te tangnah,' ham pilnam taengah a thui te khaw Jesuh ah ni a om,” a ti nah.

⁵A yaak uh vaengah Boeipa Jesuh ming neh a nuem uh.

⁶Te dongah Paul loh amih te kut a tloeng thil tih Mueihla Cim loh a suntlak thil. Te vaengah ol khaw a thui uh tih a phong uh.

⁷Te vaengah a pum boeih la hlang hlainit tluk om uh.

⁸Tunim ah kun tih sayalh la a thui. Pathen ram kawng te hla thum hlai a thuingong tih a hloih.

⁹Tedae hlangvang loh ning uh tih a aek uh dongah longpuei te rhaengpuei hmaiah a thet uh. Te dongah Amih taeng lamloh nong tih hnukbang rhoek a khuen phoeiah, Turannu saengim ah hnin takuem a thuingong.

¹⁰Tedae kum nit hlai a om tangloeng tih Asia kah khosa Judah rhoek neh Greek rhoek boeih loh Boeipa kah olka he a yaak.

¹¹A dang noek pawh thaomnah pataeng khaw Pathen loh Paul kut dongah a tueng sak.