Bunanige 15:15-19

¹⁵Guyau yana tomatakawa si bwaduvioḡoniya naki maisemoka yota i kikinomana i bwadubwaduwa,

¹⁶‘Deivida nifanifaina yana kafa visime si givigoyuya. Eatu ana savavinikuwa keta ana yona-savaviniya be yota ana givifiwaniya.

¹⁷Ebe namoḡa tufotufo kana nufota Tuveka sina nuwasiya yota Kani Kwauna aviyaonana kaku wavai sina nemiya, Tuvekanama i bwadubwaduwa maise yota ina saviviniya.’

¹⁸Eatu kana sanamana o manatuwaina nunuvisineinana.”

¹⁹Eketa yota Yemesa i nusaviya i bwaduwa, “Tova nubwayouna menana tu menana nenesiyai, Mosese yana visime Sabati tamokatamokaḡa si giginaḡanaḡa keta yota si nunumamaniya numa kafa yokoyoko sinesiyai. Nofe fasinei iyau yaku vinuwadadana o kita muka tana gividauniya Kani Kwauna fiyaosi aviyaonana naki si saḡasaḡavinisiya Guyau nenei. Eatu naki nufunufu tata vininitiya nenesiyai be ita gisawakedanisiya ebe avi viyo kifukifufuna nenesiyai si vibwanaoseiiya muka sina kaniya. Eketa yota muka sina kudokaokaoḡo. Muka yomuyomu kayona kikidubina sina kaniya. Yota muka ufaufa sina yumiya.”