15Akngey-kenh angkakert arrwekeleny-rnemel ilerl-apenh, alakenh arrpemarl. Akngey-kenh angka arrwekeleny alakenh-anyem aynteyel.
16Ingkart ra angkek, ‘Ingwer-ingeran ayeng apey-alpeyenh, atha David-kenh-rnem akngerriletyek, rernemarl irrpetyapant aneyel-kety.
17Ikwer-penhan Jew-weny ingwer-rnem Ingkart-warl-anem angkepirreyenh, Ingkartel renh-rnem arrwekel rlwanek-angkwarr.’
18Ingkart ra awank-antey alakenh angkek.
19Alakenh-anyem anwantherr arrkngert angkey-angenh, rernem menty Akngey-warl angkepirretyek.