7Bai mi flai i go longwe tru na bai mi stap olgeta long hap i no gat man.
8Bai mi flai hariap na painim wanpela ples hait, na bai mi hait long strongpela win na ren.”
9Mi lukim ol man i pait nabaut insait long taun. Olsem na Bikpela, yu ken paulim toktok bilong ol na pinisim ol tru.
10Long san na long nait ol i save wokabaut antap long banis ston bilong taun. Na ol manmeri bilong taun i save mekim planti rong na trabel.
11Long olgeta hap bilong taun ol man i save bagarapim ol arapela man na ol samting nabaut. Long arere bilong rot na long ples bung ol man i save daunim ol arapela man, na giamanim ol bilong pulim ol samting bilong ol.
12Sapos wanpela birua i tok nogut long mi, maski, mi inap karim hevi bilong tok bilong en.
Buk Song 55
Buk Song 55:7-12