Buk Song 46:2-4

²Olsem na yumi no ken pret long ol samting i kamap. Guria i ken mekim graun i bruk nabaut, na ol maunten i ken pundaun namel long solwara.

³Na si i ken pairap strong moa na bruk nabaut na spet i ken kamap, na biksi i ken kalap nabaut na sakim ol maunten. Tasol maski, yumi no ken pret.

⁴Taun bilong God, em i ples God Antap Tru i makim bilong em yet. Wanpela bikpela wara i stap namel long en, na ol manmeri i save amamas long dispela wara.