Buk Song 38:4-9

⁴Ol rong bilong mi i karamapim mi pinis, na ol dispela rong i olsem kago mi karim na i hevi tumas.

⁵Ol sua long bodi bilong mi i gat planti susu na i sting tru. Mi mekim pasin i kranki tru, olsem na dispela i kamap long mi.

⁶Bel bilong mi i gat bikpela hevi tru, na mi bagarap. Long olgeta de mi sori na krai tasol.

⁷Bodi bilong mi i hat moa olsem paia i kukim, na mi gat bikpela sik tru.

⁸Mi bagarap tru na mi stap nogut, olsem wanpela samting i krungutim mi strong. Bel bilong mi i pilim nogut tru, na mi singaut long bikpela pen.

⁹Bikpela, yu save long strongpela laik bilong mi. Bel bilong mi i krai nogut, na dispela i no hait long yu.