Buk Song 30:2-7

²Bikpela, yu God bilong mi, na mi bin beten long yu helpim mi, na yu mekim mi i orait pinis.

³Bikpela, mi dai pinis na yu kirapim mi bek gen. Mi go daun pinis long ples bilong ol man i dai pinis. Tasol yu givim laip long mi gen.

⁴Yupela manmeri bilong God, yupela i mas singim song bilong litimapim nem bilong em. Tingim olgeta samting God i mekim na tenkyu long em.

⁵Em i save kros long sotpela taim tasol. Na em i tingting gutpela long yumi na i mekim gut long yumi olgeta taim yumi stap long graun. Aiwara i ken kam daun long nait, tasol long moningtaim bai yu amamas gen.

⁶Bipo mi stap gut tru na mi tok olsem, “I no gat wanpela samting inap long sakim mi liklik.”

⁷Bikpela, yu gutpela tumas long mi, na mekim mi i sanap strong olsem strongpela haus i sanap long maunten. Tasol taim yu hait long mi, pret i save daunim mi tru.