Buk Song 2:6-11

⁶Na em i tokim ol olsem, “Mi makim pinis dispela man bilong i stap king. Mi yet mi putim em i stap long Saion, dispela maunten bilong mi yet.”

⁷King i tok, “Nau bai mi autim tok Bikpela i bin givim mi. Em i tokim mi olsem, ‘Yu Pikinini bilong mi. Nau mi kamap papa bilong yu.

⁸Askim mi, na bai mi givim olgeta lain manmeri long yu, na bai yu bosim olgeta hap graun.

⁹Bai yu bosim ol long strongpela han bilong yu. Na bai yu brukim ol liklik liklik, olsem man i brukim sospen graun.’”

¹⁰Olsem na yupela ol king, yupela putim gut yau na stretim pasin bilong yupela. Yupela ol hetman bilong graun, yupela harim dispela tok na yupela lukaut.

¹¹Yupela i mas pret long God na aninit long em. Yupela i mas guria long em na amamas wantaim.