Buk Song 2:1-6

¹Bilong wanem olgeta lain manmeri i pasim tok bilong mekim pasin bilong bikhet? Bilong wanem ol dispela manmeri i pasim tok nating bilong mekim ol pasin nogut?

²Ol king bilong olgeta hap graun, ol i redi long pait. Na ol hetman i bung na painim rot bilong daunim Bikpela na dispela man em i makim bilong bosim ol manmeri bilong en.

³Ol i tok olsem, “Yumi brukim hankap bilong tupela. Yumi rausim ol baklain tupela i pasim yumi long en.”

⁴God i sindaun long sia king bilong en long heven, na em i lap na tok bilas long ol.

⁵Em i belhat tru na i givim strongpela tok long ol. Na bikpela kros bilong en i mekim ol i pret moa yet.

⁶Na em i tokim ol olsem, “Mi makim pinis dispela man bilong i stap king. Mi yet mi putim em i stap long Saion, dispela maunten bilong mi yet.”