YƐSÃÃ 2:1-6

¹Bɑ nte kɛ̀ ibotí miɛkɛ cɔ́ú? Bɑ nte kɛ̀ yɛbotɛ̀ dɑ̀kii mɛyɛi nkpɛ́í ndɛtetìrɛ̀?

²Kɛ̀ kutenkù yɛmbɛ̀ bɑɑti dikpɑ̀nnì, kɛ̀ sikpɑ̀ɑ̀tìbìí wɛ̃nnɛ́ kɛ bo kpɑnnɛ̀ Kuyie nnɛ̀ kù tɑ̃ɑ̃tɛ́ wè, kɛ nɑ́ɑ́ nkɛ tú:

³Tí tɔ̃tɛ bɛ̀ ti pìtínnɛ́ ìì wɛ̃ĩ, kɛ́pítɛ́ bɛ̀ ti dùú mɛ̀ɛ̀ fĩmmɛ kɛ́dootóo.

⁴Wèè kɑ̀ri kɛĩ́nkɛ̀ kòò bɛ̀ dɑú, ti Yiɛ̀ nKuyie mbɛ̀ ti mudɑɑ́ mmu.

⁵Kɛ bɛ̀ nɑ̀ɑ́nnɛ̀ kɛmiɛkɛ. Nɛ̀ kɛmiɛyonkukɛ kɛ bɛ̀ ɑ̃ɑ̃̀ kufɔ̃wɑɑ́ nkɛ tú:

⁶Míì pĩ n kóo kpɑ̀ɑ̀tì, ditɑ̃sɑ̀ɑ̀rì Siyɔ̃ɔ̃ ĩ́nkɛ̀.