Buk Song 19:8-11

⁸Bikpela i save skulim yumi long gutpela tok tumas. Dispela tok i save mekim bel bilong yumi i amamas. Lo bilong God i nambawan tru, na i givim gutpela save long yumi.

⁹Man i lotu long Bikpela em i mekim gutpela pasin. Na dispela pasin i save stap oltaim oltaim. Bikpela i save tokim yumi long olgeta pasin yumi mas mekim, na dispela tok i tru na i stret olgeta.

¹⁰Tok bilong Bikpela i winim gol. Em i winim gol i gutpela tru, olsem na yumi mas laikim dispela tok moa moa yet. Lo bilong Bikpela i swit tumas, na i winim hani. Em i winim tru gutpela switpela hani.

¹¹Lo bilong yu i givim save long mi, wokman bilong yu. Mi bihainim lo bilong yu, olsem na yu save mekim sindaun bilong mi i kamap gutpela tru.