Buk Song 139:10-13

¹⁰bai yu stap long dispela ples tu bilong stiaim lek bilong mi na bilong helpim mi.

¹¹Na sapos mi tok, “Tudak i mas haitim mi, na lait bilong san i raunim mi, em i mas kamap tudak,”

¹²maski, long tingting bilong yu tudak em i no olsem tudak tru. Na nait i save lait tru olsem san. Tudak na tulait i wankain tasol long ai bilong yu.

¹³Yu bin wokim olgeta hap bilong bodi bilong mi. Yu wokim mi olgeta insait long bel bilong mama.