3Litimapim nem bilong en, long wanem, em i save mekim gut tru long yumi. Em i save marimari long yumi, olsem na yumi mas singim ol song bilong litimapim nem bilong en.
4Bikpela i bin makim Jekop bilong em yet, olsem na ol Israel ol i lain bilong God stret.
5Mi save Bikpela i gat biknem tru, na em i antap long olgeta giaman god.
6Bikpela i laik mekim wanem samting long heven na long graun na long solwara na long as bilong solwara, orait em i save mekim.
7Em i save mekim ol klaut bilong ren i kamap long olgeta hap graun, na em i save mekim lait bilong klaut i kamap wantaim ren, na em i save kirapim win na salim i go nabaut.