Buk Song 119:94-99

⁹⁴Mi bilong yu tasol, olsem na yu kisim bek mi. Oltaim mi bihainim tok bilong yu.

⁹⁵Ol man nogut i hait i stap bilong kilim mi i dai. Tasol mi save tingting long olgeta lo bilong yu na mi no wari long ol.

⁹⁶Mi save nau, i no gat wanpela samting i gutpela tru. Tasol tok bilong yu i nambawan tru na em inap long olgeta samting long olgeta de.

⁹⁷Mi laikim tru lo bilong yu. Mi save tingting long en long san na long nait.

⁹⁸Lo bilong yu i stap wantaim mi oltaim na i givim planti save long mi. Na dispela i mekim mi i saveman tru na mi winim save bilong ol birua bilong mi.

⁹⁹Oltaim mi save tingting long tok tru bilong yu, olsem na mi kisim gutpela tingting tru, na mi winim ol tisa bilong mi.