Buk Song 119:141-146

¹⁴¹Mi man nating na ol man i tok bilas long mi, tasol mi no save lusim tingting long lo bilong yu.

¹⁴²Stretpela pasin bilong yu i stap oltaim oltaim, na lo bilong yu i tru olgeta.

¹⁴³Planti hevi i kamap long mi, tasol mi amamas long lo bilong yu.

¹⁴⁴Tok bilong yu i stretpela oltaim oltaim. Yu helpim mi bai mi kisim save long dispela tok na mi ken i stap laip.

¹⁴⁵Bikpela, mi prea strong tru long yu. Harim beten bilong mi, na bai mi bihainim olgeta tok bilong yu.

¹⁴⁶Nau mi singaut long yu. Kisim bek mi, na bai mi ken bihainim ol lo bilong yu.