Buk Song 119:130-134

¹³⁰Sapos wanpela man i helpim narapela man long save long as bilong tok bilong yu, orait em i kisim lait long bel bilong en. Na dispela tok i givim tingting long man i no gat planti save.

¹³¹Mi laikim tru lo bilong yu, na bel bilong mi i kirap moa yet long bihainim.

¹³²Yu mas kam na marimari long mi. Yu save mekim olsem long olgeta manmeri i laikim yu.

¹³³Yu mas was long mi bai mi no ken pundaun long sin, olsem bipo yu promis long mekim. Yu no ken larim pasin nogut i winim mi.

¹³⁴Kisim bek mi, na ol man i wok long daunim mi, ol i no ken bagarapim mi. Olsem na mi ken bihainim tok bilong yu.