Brabli Gudwan Song 7:11-13

¹¹Kaman, main olmen. Yunmi garra gowei longwei langa bush kantri na, en yunmi garra slip olnait weya detlot wailwan purdiflawa jidan.

¹²Yunmi garra gidap ailibala gin, en luk if purdiflawa bin kamat langa detlot greiptri. Yunmi garra go luk if deibin gro gudwei en abum purdiflawa, en if det najalot frut tri gulum pamagrenit tri abumbat purdiflawa du. Deya na ai garra jidan garram yu en yunmi garra silipsilipbat.

¹³Yu gin smelim det gudsmelwan bush medisin en ola gudwan frut daga. Olabat iya gulijap langa yunmi dowa. Main olmen, ai laigim yu detmatj en aibin kipum miselp blanga yu.