Brabli Gudwan Song 5:3-7

³Mi redi blanga go silip. Ai nomo werrimon eni klos. Yu wandim mi werrimon klos igin? Aibin washim miselp fut du. Yu wandim mi blanga jidan dardiwan igin?

⁴Main olmen bin pudum im bingga langa det dowa, en aibin brabli gudbinji imbin gulijap.

⁵Aibin jidan redi blanga larram im kaman insaid. Main bingga bin smel garram det gudsmelwan medisin, en garram det gudsmelwan oil, en aibin holdim det dowa.

⁶Aibin opinim det dowa blanga main olmen, bat im nomo bin deya na. Imbin gowei. Aibin lukabat blanga im, bat ai nomo bin faindim im, najing. Aibin jingat blanga im, bat im nomo bin ensim mi, najing.

⁷Detlot blijiman langa det taun bin faindim mi. Deibin beldimbat mi. Detlot blijiman hu oldei jandapbat langa det wol langa det taun, deibin pulumat main kout.