Atos 12:3-7

³Mame juteu tõ tãkye toehse. Moro eneryke tyya Peturu roropa tapoipose eya Paxikoae, wyi pipahmã ohtohae.

⁴Morarame Peturu apoixĩpo ãpuruhpyry taka tarose eya. Soutatu tõ tyrise roropa eya Peturu eraximaneme. 16me soutatu tõ tyrise eya morotona. Peturu arory se kynexine otuhtoh konõto tõtyhkase ahtao, ãpuruhpyry tae, imoihmãkomo a enepotohme repe.

⁵Moroto Peturu kynexine tapuruse ãpuruhpyry tao. Mame orẽpyra Jezu poetory tõ tõturuse Ritonõpo a, Peturu tũtatohme ropa.

⁶Morarame Peturu enehpory se ropa Erote toehse. —Kokoro Peturu enehpõko ropa ase soutatu tomo a, tykase ynororo repe. Mame koko Peturu nyhnõko kynexine. Emekũ poko osetato ro soutatu tomo a tymyhse kynexine keti ke. Imehnõ soutatu tõ roropa tapyi eutary pota tao kynexine eraximãko.

⁷Morarame Peturu tuaro pyra ahtao Ritonõpo nenyokyhpyry toytose eya. Mõtoino rokẽ saereh tykase ãpuruhpyry tao. Peturu tõpakase eya. Tymotatemuhmase eya. —Owõko axiny, tykase ynororo eya. Mame imyhtopõpyry toemyhpokase ropa.