30We, nao'mitaba, tigeba Wa'egare Isu Karaisitigabe, Awamusa'ama nkagu kao'enawakabe napima, naekega kaga Kotiti nunamu esegima yigina nao'maeyano.
31Nunamu yigini, Yutiya mari mima kamana kampa aegara kina'mi nkiyapisa Kotiba akaruyoba'natano. Piya, tigeba nunamu yigini, to marisa kina'mi intawama aseyonabisa mone aki potaigi, pipa Yerusaremi kumatasa Kotiti atokaenta kina me imekanaba iga ibeno.